भदौ ९, २०७७
जुनकिरी खबर

इटहरीमा थप सात जनामा कोरोना संक्रमण

आज थप ७ जनामा कोरोना संक्रमणको पुष्टि भएको छ । इटहरीका विभिन्न वडाका थप ७ जनामा कोरोना भाइरस संक्रमण भएको इटहरी अस्पतालका इमर्जेन्सी शाखाका इन्चार्ज रामकुमार धमलाले जानकारी दिए ।

उनका अनुसार इटहरीको वडा नं. ६ का दुई महिला, एक पुरुष, वडा नं. ४ का एक पुरुष, वडा नं.२० की एक महिला र जिल्ला प्रहरी कार्यालय सुनसरीको थुनामा रहेका इटहरीका दुई पुरुषमा कोरोना संक्रमण पुष्टि भएको छ ।

यो सँगै इटहरीमा कोरोना संक्रमित हुनेको संख्या ८७ पुगेको छ ।