इमोबाट तपाईलाई चिठ्ठा पर्यो भन्दै फोन आएको छ ? होसियार तपाईलाई पुरस्कार पर्यो भन्दै कसैले झुक्याउन खोजिरहेको छ । विभिन्न बहाना देखाउदै सर्वसाधरणहरुबाट लाखौ रुपैयाँ ठगी गर्ने एक जनालाई इटहरी प्रहरीले पक्राउ गरेको छ ।
इटहरी तथा विभिन्न ठाउँका सर्वसाधरणहरुलाई ठगी गर्दै आएका सिराह घर भएका अरबिन्द्र कुमार कामतीलाई प्रहरीले पक्राउ गरेको हो । इलाका प्रहरी कार्यालय इटहरीका डिएसपी अर्जुन केसीले इमो मार्फत सर्वसाधरणहरुलाई ठगी गदै आएका कामतीलाई पक्राउ गरेको जनाए ।
पछिल्लो समय इमो,फेसबुक म्यासेन्जर लगायतमा चिठ्ठा परेको आश्वसन देखाउँदै ठगी गर्दै आएका उनलाई पक्राउ गरेको प्रहरीले बताएको छ । यसरी विभिन्न बहानामा ठगी गर्ने सक्ने भन्दै सचेत बन्न इलाका प्रहरीले सर्वसाधरणहरुलाई आग्रह गरेको छ ।
Copyright © 2019 / 2026 - Junkirikhabar.com All rights reserved
