कोभिड १९ को कारण रक्तदान कार्यक्रमहरु प्रभावित हुँदा प्रदेश १ मा रगतको अभाव भएको छ। मुख्यतः विराटनगर, धरानलगायतका रक्तसञ्चार केन्द्रमा सञ्चित रगत नहुँदा अस्पतालहरुमा जटिल खालका बिरामीको अपरेशनलगायतका सेवा प्रभावित हुन थालेको छ।
नेपाल रेडक्रस सोसाइटीले रगतको अभाव भएपछि सबैलाई रत्तदान गर्न आह्वान गरेको छ। सोसाइटीका मोरङका सभापति विनोद सिंहले रेडक्रस सोसाइटीमा अहिले सञ्चित रगत नहुँदा समस्या उत्पन्न भएको जानकारी दिए।
विराटनगमा रहेका ठूला अस्पतालहरुको बिरामीका लागि आवश्य रगतको लागि दैनिक ठूलो माग रहेको उनले बताए। उता बीपी कोइराला स्वास्थ्य विज्ञान प्रतिष्ठानमा रहेको रक्तसञ्चार केन्द्रको ब्लड बैंकमा पनि रगत अभाव भएर समस्या भएको छ।
रेडक्रस सोसाइटी सुनसरीले प्रतिष्ठान हाताभित्र सञ्चालित ब्लड बैंकमा प्रतिष्ठानमा उपचारमा आएका बिरामीहरुलाई आवश्यक रगत उपलब्ध हुँदै आएको छ। तर, हिजो आज भने कोभिडको कारण रक्तदान कार्यक्रमहरु हुन छोडेपछि रगत सकिएको ब्लड बैंकका इञ्चार्ज सुवासचन्द्र सिंहले जानकारी दिए।
Copyright © 2019 / 2026 - Junkirikhabar.com All rights reserved
