ठूलो परिमाणको अवैध लागूऔषधसहित इटहरी प्रहरीले ६ जनालाई पक्राउ गरेको छ ।
ईलाका प्रहरी कार्यालय इटहरीले अकस्मात चेकजाँच गर्ने क्रममा इटहरी उपमहानगरपालिका वडा नं. ६, ९ र १३ बाट निम्न अवैध लागूऔषध सहित ६ जनालाई पक्राउ गरेको हो ।
पक्राउ पर्नेमा भारत दरभंगा घर भई हाल जिल्ला सुनसरी दुहवी नगरपालिका वडा नं. ६ मा डेरा गरी बस्ने बर्ष २७ को ओम प्रकाश यादव, जिल्ला मोरङ जहदा गाउँपालिका वडा नं. ४ बस्ने उमेश कुमार मण्डल, सुनसरीको इटहरी ८ वीपी चोक बस्ने सनम बस्नेत, इटहरी १२ खनारका सागर काफ्ले र अमर सरदार, प्रकाश सरदारलाई ओमप्रकाश यादवसँग लागूऔषध किन्न आउने क्रममा पक्राउ गरिएको प्रहरीले जनाएको छ ।
उनीहरुको साथबाट Tramadol Hydrochloride capsules I.P. 50 mg को १२९६० क्याप्सुल, PLANOKUF १००ml को ३० बोतल, NITRAVET-10 लेखिएको १६५० ट्याब्लेट, Spaspain २४० क्यप्सुल, बिभिन्न कम्पनीको मोबायल ६ थान र ८ हजार ३५ रुपैँया बरामद गरिएको प्रहरीले जनाएको छ ।
पक्राउ परेका उनीहरुलाई लागूऔषध नियन्त्रण ऐन २०३३ बमोजिम सुनसरी जिल्ला अदालतबाट म्याद थप भई आवश्यक अनुसन्धान भईरहेको प्रहरीले जनाएको छ ।
Copyright © 2019 / 2026 - Junkirikhabar.com All rights reserved
