महिलाहरुको पाठेघरमा हुने क्यान्सरको पहिचान गरि उपचारमा सहज वनाउने उद्धेश्यले रोटरी क्लव अफ इटहरीले आयोजना गरेको पाठेघरको क्यान्सर परिक्षण निःशुल्क शिविरमा ६५ जनाले परिक्षण गराएका छन ।
इटहरी उपमहानगरपालिकाको वडा नम्बर १, १६ र १७का महिलाहरुलाई लक्षित गरि सञ्चालन गरिएको पाठेघरको क्यान्सर परिक्षण शिविरमा ६५ जना महिलाहरुले परिक्षण गराएका हुन ।
महिलाहरुमा देखा पर्ने क्यान्सर रोग मध्ये सवै भन्दा बढी पाठेघरमा हुने क्यान्सरको दर उच्च रहेको तर्फ मध्यनजर गर्दै पाठेघरको क्यान्सर परिक्षण शिविर सञ्चालन गरिएको कार्यक्रमका संयोजक भुपेन्द्र निरौलाले वताए ।
रोटरी क्लव अफ इटहरी र रोट्रयाक्ट क्लव अफ इटहरीको आयोजना तथा इटहरी वडा नम्बर १,१६र १७को सहयोग रहेको शिविरको अध्यक्षता रोटरी क्लव अफ इटहरीकी अध्यक्ष विजु वहिनी श्रेष्ठले गरेकी थिइन ।
शिविर सफल वनाउन रोटरी क्लव अफ इटहरीका पुर्व अध्यक्षहरु अनन्त विष्ट , लक्ष्मी थेबे , गोविन्द कृष्ण सोनी , रोटरी क्लव अफ इटहरीका सचिव डिसी चौधरी रोट्रयाक्ट क्लवकी अध्यक्ष सविना श्रेष्ठ लगायतको उपस्थिती रहेको थियो ।
Copyright © 2019 / 2026 - Junkirikhabar.com All rights reserved
