इटहरीमा स्व दिलेन्द्र राई स्मृति तेस्रो सिद्धार्थ नकआउट फुटबल प्रतियोगिता आयोजना हुने भएको छ । इटहरी ३ स्थित तामाङ टोलमा रहेको खेल मैदानमा माघ २३ देखि ३० गतेसम्म फुटबल प्रतियोगिता आयोजना हुने भएको हो । आयोजक सिद्धार्थ युवा समूहले पत्रकार सम्मेलन गरी प्रतियोगिताको बारे जानकारी दिएको छ ।
प्रतियोगितामा सुनसरी, मोरङ, झापा, उदयपुर र तेह्रथुमका फुटबल क्लबहरूले सहभागी जनाउने छन् । साथै ए डिभिजन क्लबमा खेल्ने खेलाडीहरूको समेत सहभागी हुने जनाइएको छ । प्रतियोगिताको उपाधि जित्ने टिमले ५१ हजार नगद र सिल्ड र दोस्रोलाई ३१ हजार नगर र सिल्ड पुरस्कार दिने आयोजक समूहका गोपाल तामाङले जानकारी दिनुभयो ।
समूहका सदस्य तथा फुटबल खेलाडी स्वा. दिलेन्द्र राईको स्मृतिमा यो वर्ष प्रतियोगिता आयोजना गर्न लागिएको समेत वहाँले दिनुभयो ।
प्रतियोगिताको तयारी अन्तिम चरणमा पुगेको पत्रकार सम्मेलनमा जानकारी दिइएको छ । प्रतियोगिताको समापन माघ ३० गते ल्होसार पर्वको दिन हुने भएकाले मौलिक मेला, सांस्कृतिक कार्यक्रम समेत आयोजना हुने जनाइएको छ । २०५१ सालमा स्थापित यो समूहले सामाजिक र खेलकुद क्षेत्रमा अग्रणी भूमिका खेल्दै आएको छ ।।
