आगामी फागुन १४ र १५ गते इटहरी रङ्गशालामा प्रदेश नम्बर १ स्तरीय खुल्ला तेक्वान्दो प्रतियोगिता हुने भएको छ ।
विराट टेलिभिजन, चन्द्रमा तेक्वान्दो डोजाङ र सनसाइन तेक्वान्दो डोजाङको संयुक्त आयोजनमा प्रतियोगिता हुन लागेका आइतबार पत्रकार सम्मेलनमार्फत जानकारी गराइएको छ । प्रदेश १ का १० वटा जिल्लाका चार सय भन्दा बढी खेलाडीहरिको सहभागितामा कार्यक्रम गर्न लागिएको सनसाइन तेक्वान्दो डोजाङका प्रशिक्षक तथा सञ्चालक सतिस काफ्लेले जानकारी दिनुभयो ।
विराट टेलिभिजनको प्रथम वार्षिकोत्सव अवसरमा हुन लागेको प्रतियोगिता इटहरी रङ्गशालामा रहेको तेक्वान्दो कवड हलमा दुईसम्म सञ्चालन हुर्ने विराट टेलिभिजनका विकल पौडेलले जानकारी दिनुभयो । विभिन्न तौल समूहमा ३५ वटा ‘फाइट’ हुने आयोजकले जानकारी दिएको छ । पुरुष तर्फ १७ र महिला तर्फ १८ वटा खेल हुने छ । सो प्रतियोगितमा प्रथम, द्धितिय र तृतिय हुनेलाई क्रमश. दश हजार, सात हजार र पाँच हजार नगद दिईने आयोजकले जानकारी दिएको छ ।
यस्तै प्रतियोगितामा उत्कृष्ट हुने पुरुष र महिला एक÷एक जनालाई नगदसहित सम्मान गरिने छ । साथै सहभागी सबैलाई प्रमाणपत्रले सम्मान गरिने आयोजकले बताएका छन् । सात लाख ८५ हजारमा सम्पन गर्ने लक्षका साथ हुन लागेको प्रतियोगिताका लागि इटहरी उपमहानगरपालिका, बराहक्षेत्र नगरपालिका, हरिनगरा गाउँपालिका बुढी गंगा गाउँपालिका, गोर्खा भर्ति तालिम केन्द्र धरानले सहयोग गरेको पत्रकार सम्मेलन मार्फत् जानकारी दिइएको छ ।
Copyright © 2019 / 2026 - Junkirikhabar.com All rights reserved
