रगत अभाव हुन नदिन मोरङको सुन्दरहरैचामा रक्तदान कार्यक्रमको आयोजना गरिएको छ । कोभिड १९ भाइरस संक्रमणको कारण रगत अभाव हुन नदिन तरुण दल सुन्दरहरैचा नगर समितीले रक्तदान कार्यक्रम आयोजना गरि सम्पन्न गरेको हो ।
नगरको वडा नं ७ स्थित गछिया चौरीमा शनिबार गरिएको रक्तदान कार्यक्रममा १५८ प्रीन्ट रगत संकलन भएको तरुण दल सुन्दरहरैचा नगर समितिका सभापती मिलन श्रेष्ठले जानकारी दिए । उनले कोरोना भाईरसको जोखिम अवस्थामा रगतको अभाव हुने देखिएकाले रक्तदान कार्यक्रम आयोजना गरिएको बताए ।
तरुण दलले अहिले नगर भरि अति विपन्न परिवारहरुलाई खाधान्न स्वरुप राहत सामग्री, कोरोना सक्रमितको घरमा सेनिटाइज जस्ता सामाजिक कार्य गर्दै आएको तरुण दल सुन्दरहरैचाका सचिव कुन्दन ढुंगानाले बताए । कार्यक्रममा रगतको अभाव हुन नदिन साथै आफू पनि बचौ र अरुलाई पनि बचाउ भन्ने उद्देश्यले रक्तदान कार्यक्रम आयोजना गरिएको तरुण दल महासमिती प्रतिनिधी अनुरोध शाहले बताए ।
Copyright © 2019 / 2026 - Junkirikhabar.com All rights reserved
