नेपाली काँग्रेसको १४ औं महाधिवेशनको संसोधित कार्यतालिका बमोजिम सुनसरीको श्रावण २६ गते हुने जिल्ला अधिवेशनमा उपाध्यक्ष पदका लागि हरिनगरा गाउँपालिकाका अध्यक्ष समेत रहेका काँग्रेसका चर्चित नेता गफार अन्सारीले उम्मेदवारी दिने भएका छन । काँग्रेस कार्यकर्तामा राम्रो पकट बनाएका अन्सारीले उपाध्यक्षमा आफ्नो उम्मेदवारी रहने सार्वजनिक गरेका हुन ।
गाउँपालिका अध्यक्षमा उत्कृष्ट काम गरेर जनता माझ हाई हाई भएका अन्सारी पछिल्लो केहि बर्ष यता काँग्रेसको नगर देखि जिल्ला हुदै केन्द्र सम्म राम्रो पहुँच राख्ने नेतामा पर्छन । सञ्चारपाटी सँगको कुराकानीमा गफार भन्छन् यो पटक जिल्लाको पदाधिकारी भएर पार्टीको काममा सक्रिय हुनेछु ।
सबैको साथ र सहयोग पाउनेमा म आशावादी छु । तपाईको उमेदवारी किन त भन्ने जिज्ञासामा अन्सारील भने नेपाली काँग्रेस सुनसरीको संगठनलाई अझ सशक्त बनाएर लैजाने, प्रजातन्त्र सुदृढिकरणका लागि अभियान चलाउने, जिल्लाको शान्ति सुरक्षा र अमन चयनका लागि सम्बन्धित पक्षसँग सहकार्य गर्ने लगायतका कार्यहरु प्राथमिकताका साथ गर्ने उनको भनाई थियो ।
Copyright © 2019 / 2026 - Junkirikhabar.com All rights reserved
