संघीयतालाई आत्मसाथ गर्न नसकेको आरोप खेपीरहेको प्रतिपक्षी दल नेपाली काँग्रेसको पार्टी संरचना पनि पुरानै ढंगले चलिरहेको छ । संघीयताको ढाँचा अनुसारको विधान गत फागुनमा पारित गरेको थियो । तर प्रदेश तथा स्थानीय स्तरमा पार्टीले निर्वाचन गरेर नयाँ नेतृत्व ल्याउन ढिलाई गरेका कारण काँग्रेसको सांगठानिक ढाँचा पुरानै किसिमले चलिरहेको हो ।
संघीय ढाँचाको पार्टी संरचना बनाउनुपर्ने संवैधानिक व्यवस्था अनुसार काँग्रेसले आफनो विधानलाई परिमार्जनसहित पारित गरिसकेको भएपनि संगठनिक संरचना विधान अनुरुप बनाउन सकेको छैन । पार्टी भित्रको विभिन्न गुट तथा आन्तरिक राजनीतिलाई मिलाउन नसक्दा काँग्रेसको संरचना पुरानै ढाँचाको छ ।
काँग्रेसले अहिलेसम्म पनि प्रदेश समिति, १६५ सदस्यीय क्षेत्रीय समिति, ३३० प्रदेश स्तरीय निर्वाचन क्षेत्र समिति तथा साविक गाउँ र नगर समितिको निर्वाचन गराउन सकेको छैन । जसका कारण निर्वाचन क्षेत्र तथा भुगोल परिवर्तन भएपनि काँग्रेसको नेतृत्व पुरानै तरिकाले चलिरहेको छ । गुटगत राजनीतिका कारण पार्टीको १४ औ महाधिवेशन अघि प्रदेश तथा स्थानीय निकायको निर्वाचन गर्न नसके विधानको धारा ७२को उपधारा ४ लाई निलम्बन गरेर संक्रमणकालिन व्यवस्था अन्तर्गत तदर्थ समिति बनाएर अगाडी बढने बारे पनि काँग्रेस भित्र छलफल जारी छ ।
Copyright © 2019 / 2026 - Junkirikhabar.com All rights reserved
