सरसफाइ क्षेत्रमा सक्रिय इटहरीको बुल्स इलेभेन क्लबले इटहरीको आर्मी क्याम्प उत्तरमा रहेको पञ्चकन्या मन्दिर आसपासको क्षेत्रको सरसफाइ सुरु गरेको छ । क्लबले प्रत्येक शनिबार सरसफाइ गर्ने अभियान अन्तर्गत शनिबार बिहान झाडीले भरिएको सो क्षेत्रको सरसफाइ सुरु गरिएको क्लबका अध्यक्ष पूर्ण राइले बताए । सरसफाइ अभियानमा सक्रिय रहेका दुइ दर्जन युवाहरुको समुहलाई किशोरीहरुले पनि साथदिएका छन । यस अघि युवाहरुको समुहमात्र सरसफाइ अभियानमा सक्रिय रहदै आएकोमा शनिबारदेखि किशोरीहरु पनि सरसफाइ अभियानका जुटेका छन ।
क्लबले प्रत्येक शनिबार इटहरीको महत्वपूर्ण सार्वजनिक स्थानको सरसफाइ गरेर चर्चा तथा प्रशंसा कमाएको थाहापाएपछी आफूहरु पनि अभियानमा सहभागी भएको ती किशोरीहरुको भनाइ छ ।
यस अघि गत शनिबार क्लबका सदस्यहरुले इटहरी रंगशालाको एथलेटिक्स टयाक आसपासको झारपात उखलेर सफाई थालेका थिए । यस्तै क्लबले इटहरीको मुुख्य बजारको गोलो चोकमा रहेको बगैंचा अर्थात पूर्व पश्चिम राजमार्ग र कोशी राजमार्गको दिशा छुुट्याउने संरचनाको सफाई गरेर आकर्षक बनाएका थिए । यस्तै क्लबले मुख्यचौक पश्चिम लाइनको बगैचाको पनि सरसफाइ गरेका थिए ।
Copyright © 2019 / 2026 - Junkirikhabar.com All rights reserved
