बिगत तीन बर्षदेखी प्रत्येक साताको शनिबार इटहरी तथा आसपासको क्षेत्रमा सरसफाइ गर्दै आएको बुल्स इलेभेन क्लबले शनिबार पनि इटहरीको बिश्व आदर्श स्कुल र आर्मी क्याम्प उत्तर तर्फको क्षेत्रमा सरसफाइ गरेको छ । तिहारको चटारोको बिच पनि सरसफाइ अभियानमा सक्रिय रहेका दुइ दर्जन किशोर किशोरीहरुको समुहले उक्त क्षेत्रको सफाई गरेर आकर्षक बनाएका छन ।
प्रत्येक शनिबार सरसफाइ अभियान थालेको क्लबले भर्खरै आएको बाढी तथा डुबानले गर्दा सो क्षेत्रमा फोहोर बढेकाले सरसफाइ गरिएको बताइएको छ । स्थानिय सरकार तथा घर धनीहरुले आफ्नो ठाँउ आफै सफा राख्नु पर्ने अवस्थामा त्यो नपाइएकाले पनि सरसफाइ थालिएको क्लबका अध्यक्ष पूर्ण राईले बताउनुभयो ।
दुइ साताअघि भएको डुबानमा अत्याधिक प्रभावित भएको इटहरीको सो क्षेत्रमा नाला पैनी जाम हुने तर सफाइ नहुने भएकाले पनि डुबानको समस्या फेरी आउन सक्ने तर्फ क्लबले सचेत समेत गराएको छ ।
इटहरीलाइ डुबानमुक्त बनाउनको लागि आफूहरुको यो अभियान फलदायी हुने र यसलाई निरन्तर जारी राख्नको लागि सबै क्षेत्रको साथ सहयोग हुनुपर्ने क्लबका सदस्य रामु राईले बताउनुभयो ।
Copyright © 2019 / 2026 - Junkirikhabar.com All rights reserved
