इटहरी ८ का स्थानीयले फुलबारी टोल प्रबेश गर्ने सडक अवरुद्ध गरेका छन् । २४१ मिटर सडक पिच गर्ने इटहरी उपमहानगरपालिकासँग सम्झौता भएपनि सडक बनाउने तर्फ ठेकेदार कम्पनिले काम नगरेको भन्दै स्थानियले सडक अबरुद्ध गरेका हुन । फुलबारी टोल प्रबेश गर्ने उक्त सडक १९ लाख रुपैयामा इटहरीका ठेकेदार सर्भेस आर्चायले ठेक्का लिएका थिए । तर ठेक्का लिएको ३ महिना बित्न लाग्दा समेत काम शुरु नभएपछि सडक बनाउन दबाब दिन बाटो अबरुद्ध गरेको स्थानियको भनाई छ ।
सडक निर्माण गर्ने काम ढिलाइ भएको बिषयमा फुलबारी टोल विकास समितिले इटहरीका मेयर, उपमेयर र ८ नं. का वडाध्यक्षलाई पटक पटक जानकारी गराएपनि कसैले वास्ता नगरेको स्थानिहरुको गुनासो छ । फुलबारी टोलका स्थानियले सडक निर्माणको काम शुरु नभइन्जेलसम्म सडक अबरुद्ध गर्ने बताएका छन् ।
उक्त सडक निर्माण गर्न ठेकेदार सर्भेष आर्चायले ५ लाख रुपैया पेश्की रकम लगिसेको समेत स्थानियहरुको भनाई छ । वडा कार्यालय र उपमहानगरले ठेकेदार कम्पनिलाई खोजी गरि बाटो निर्माणको काम शुरु गर्न ५ दिनको अल्टीमेटम दिएका छन् ।
Copyright © 2019 / 2026 - Junkirikhabar.com All rights reserved
