नेपाल प्रेस युनियनको आसन्न महाधिवेशनमा सरोज अधिकारीले केन्द्रीय अध्यक्षमा उम्मेदवारी घोषणा गर्नुभएको छ । वर्तमान कार्यसमितिका कोषाध्यक्ष अधिकारीले बुधबार विभिन्न बिटमा काम गरिरहेका पत्रकारहरूसँगको छलफलको क्रममा उम्मेदवारी घोषणा गर्नुभएको हो ।
यसअघि कांग्रेस बिटमा काम गरिरहेका क्रियाशील पत्रकार, सम्पादक, जिल्ला अध्यक्ष र पार्षदहरूसँग राय लिइसक्नु भएको अधिकारीले बुधबार भने औपचारिक रूपमा उम्मेदवारी घोषणा गर्नुभएको थियो ।
“प्रेस युनियनको केन्द्रीय अध्यक्षमा उम्मेदवारी घोषणा गर्न चाहन्छु,” अधिकारीले भन्नुभयो, “अब म अध्यक्षको उमेदवारीबाट पछि हट्ने छैन ।” उहाँले आफू सँधै श्रमजीवी पत्रकारको साथमा रहेको बताउँदै श्रमजीवी पत्रकारको पक्षमा कसैसँग सम्झौता नगर्ने, पत्रकारको हकहित र पेशागत सुरक्षा र पत्रकारको क्षमता अभिवृद्धिका लागि काम गर्ने प्रतिवद्धता पनि जनाउनुभयो ।
संसदीय मामिला पत्रकार समाज, नेपाल आर्थिक पत्रकार समाज ( सेजन), खेलकुद पत्रकार मञ्च, फोटो पत्रकार क्लब, चलचित्र पत्रकार संघ, नेपाल सहकारी पत्रकार समाज, स्वास्थ्य पत्रकारलगायतका शुभेच्छुक पत्रकारहरूको सहभागिता थियो ।
Copyright © 2019 / 2026 - Junkirikhabar.com All rights reserved
