प्रदेशसभा निर्वाचन सम्पन्न भएर निर्वाचन आयोगले समानुपातिक सांसदको सिट बाँडफाँटको पत्र पठाएपछि समानुपातिक सांसद छनोटमा दलहरुको ध्यान केन्द्रित छ । समानुपातिकमा छानिन बन्दसूचीमा परेका उम्मेदवारहरु आ–आफ्ना पार्टीका नेताहरूको घरदैलोमा गएर दबाब दिइरहेका छन् ।
९३ सदस्यीय प्रदेशसभाका लागि प्रत्यक्षतर्फ ५६ र समानुपातिकतर्फ ३७ प्रदेश सांसद छनोट हुने संवैधानिक व्यवस्था छ । प्रदेशसभामा ३३ प्रतिशत महिलाको उपस्थिति अनिवार्य रहेकाले प्रत्यक्षतर्फ दुई जना महिला मात्रै निर्वाचित भएको हुँदा समानुपातिकबाट २९ महिला छान्नुपर्ने छ । निर्वाचन आयोगले दलहरुलाई शनिबार ४ बजेसम्ममा प्रदेश सांसदहरुको सूची बुझाउन पत्राचार गरेको छ ।
Copyright © 2019 / 2026 - Junkirikhabar.com All rights reserved
