इटहरी ५ मा रहेको सिमरबना बचत तथा श्रण सहकारी संस्थाले आफ्नो १५ औ वार्षिक साधरणसभा सम्पन्न गरेको छ । इटहरी ५ कै सत्सङ्ग भवनमा शुक्रवार बृहत् रूपमा साधरणसभा सम्पन्न गरेको हो । कार्यक्रममा ७८-७९ को कार्य प्रगति विवरण प्रस्तुत गरिएको थियो भने यो आर्थिक वर्ष ७९-८० को लागी नीति तथा कार्यक्रम पास गरिएको छ । साथै ७९-८० को लागी अनुमानित बजेट समेत अनुमोदन गरिएको छ ।
सहकारी संस्थाले दिगो आर्थिक विकासको लागि साथै सामाजिक चेतना वृद्धिका लागि संस्थाले पुराएको योगदान अतुलनीय रहेको बताउँदै सामाजिक कार्य अनुसार रक्तदान, ज्येष्ठ नागरिकलाई सम्मान, सेयर सदस्यका छोरा छोरीलाई शैक्षिक प्रोत्साहन जस्ता कार्यलाई यो आर्थिक वर्षमा पनि निरन्तरता दिइने जनाइएको छ ।
सहकारी संस्थामा हाल १९०० सेयर सदस्य पुगेको समेत जानकारी गराइएको छ । सहकारीका अध्यक्ष प्रकाशचन्द्र बस्नेतको अध्यक्षतामा भएको कार्यक्रममा जिल्ला सहकारी सङ्घ सुनसरीका अध्यक्ष गङ्गा प्रसाद दाहालको प्रमुख आतिथ्य रहेको थियो । इटहरी ५ का वडाध्यक्ष भीष्म कुमार घिमिरेको समेत वरिष्ठ अतिथिको रूपमा उपस्थिति रहेको थियो ।
