विराटनगर / प्रदेश १ को सभामुखमा नेकपा (माओवादी केन्द्र) का बाबुराम गौतम निर्विरोध निर्वाचित भएका छन् ।
ओखलढुंगाको ‘ख’बाट प्रदेशसभा सदस्यमा निर्वाचित ५० वर्षीय गौतम प्रदेशको दोस्रो सभामुख बनेका हुन् ।
सभामुखको मनोनयनका क्रममा गत मंगलबार सत्तारुढ गठबन्धनका तर्फबाट उनको मात्रै उम्मेदवारी परेको थियो । प्रतिपक्षी नेपाली कांग्रेस र नेकपा (एकीकृत समाजवादी)ले उम्मेदवार उठाएनन् ।
सभामुख चयन गर्न बिहीबार प्रदेशसभा बैठक बसेको थियो । सोही बैठकबाट प्रदेशसभाका ज्येष्ठ सदस्य गयानन्द मण्डलले एकल उम्मेदवारीका आधारमा गौतम सभामुखमा निर्विरोध निर्वाचित भएको घोषणा गरेका हुन् । उक्त घोषणासँगै उनी प्रदेशसभाको दोस्रो कार्यकालका लागि सभामुख बनेका छन् ।
उपसभामुख चयनका लागि भने आगामी शनिबार निर्वाचन हुँदैछ । सत्तारुढ दलबीचको भागबण्डामा उपसभामुख एमालेले पाएको छ । एमालेले महिलालाई उपसभामुख बनाउने तयारी गरेको छ ।
Copyright © 2019 / 2026 - Junkirikhabar.com All rights reserved
