इटहरी / इटहरी –१२ खनारबाट १ थान चाइनीज पेस्तोल र सोही पेस्तोलमा लाग्ने गोली ६ राउण्ड सहित तिन जनालाई प्रहरीले पक्राउ गरेको छ ।
बुधबार चोरीको बाइक नियन्त्रण लिने क्रममा शङ्कास्पद व्यक्तिहरूको साथबाट पेस्तोल र ६ राउन्ड गोली बरामद भएको प्रहरीले जनाएको छ ।
पक्राउ पर्नेहरूमा इटहरी –१५ बस्ने ३० वर्षीय सुजित मगरार्ती माझी र इटहरी–१० बस्ने १८ वर्षीय किशोर रहेका छन् । साथै अर्को एक जनाको नाम भने तत्काल गोप्य राखिएको प्रहरीले जनाएको छ ।
ईलाका प्रहरी कार्यालयबाट खटिएको प्रहरीले जाँच गर्ने क्रममा बुधबार राति उनीहरूलाई उक्त हतियार र प्र १–०२–०४३ प ६८९७ नम्बरको मोटरसाइकल सहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको इलाका प्रहरी कार्यलय इटहरीका डिएसपी खगेन्द्र बहादुर खड्काले बताए ।
Copyright © 2019 / 2026 - Junkirikhabar.com All rights reserved
