१३ औं अन्तर्राष्ट्रिय आमन्त्रण इटहरी गोल्डकपको दोस्रो क्वाटरफाइनल खेलमा चर्च ब्वाइज क्लब सेमिफाइनलमा प्रवेश गरेको छ । सोमबार भएको खेलमा चर्च ब्वाइज क्लबले आयोजक राष्ट्रिय जागृति क्लबलाई २-० गोल अन्तरले पराजित गर्दै सेमिफाइनलका लागि स्थान सुरक्षित गरेको हो ।
खेलको ४५ औं मिनेटमा आशिष चापागाईंले १ गोल गर्दै टिमलाई अग्रता दिलाए । पहिलो हाफमा १-० गोल अन्तरले अगाडि रहेको चर्च ब्वाइजले खेलको ६१ मिनेटमा थप १ गोल गरेको थियो ।
इटहरी रंगशालामा चैत ११ गतेसम्म संचालन हुने प्रतियोगिताको विजेता टिमले नगद १० लाख र उपबिजेता टिमले नगद ५ लाख रुपैयाँ हात पार्ने आयोजकले जनाएको छ ।
यस्तै, खेलको म्यान अफ द म्याच चर्च ब्वाइजका प्रसान्त लक्ष्मण घोषित हुँदै नगद १० हजार पाए । उनलाई इटहरी उपमहानगरपालिकाका प्रेस संयोजक धनबहादुर पुरी र इटहरीका डीएसपी माधव काफ्लेले पुरस्कार प्रदान गरे ।
Copyright © 2019 / 2026 - Junkirikhabar.com All rights reserved
