उद्योग वाणिज्य संघ झुम्काको हुन लागेको निर्वाचन तत्काल रोक्न अदालतले आदेश दिएको छ । आगामी चैत्र १९ गते आइतबार हुने भनिएको चुनाव तत्काल नगर्न उच्च अदालत विराटनगरले अल्पकालीन अन्तरिम आदेश दिएको हो ।
व्यावसायी केदार श्रेष्ठले उवासंघ झुम्कामा गैरव्यावसायीहरूलाई मतदाताका रूपमा प्रयोग गरिएको भन्दै उच्च आदालत विराटनगरमा निवेदन दिएका थिए । न्यायधीश किरणकुमारी गुप्ताको एकल इजलासले तत्कालका लागि निर्वाचन नगर्न आदेश दिएको हो ।
‘दुवै पक्षलाई राखि हुने छलफलबाट निष्कर्षमा पुगिने उपयुक्त हुने हुँदा देखिदाँ सो प्रयोजनका निमित्त २०७९।१२।१९ को पेशी तोकिई आइतबार हुन लागेको निर्वाचन नगरी यथास्थितिमा राख्नु भनी उच्च अदालत नियमावली २०७३ को नियम ४२ बमोजिम अल्पकालीन अन्तरिम आदेश जारी दिएको छ’ आदेशमा भनिएको छ ।
यसअघि रामधुनी नगरभित्र व्यावसाय सञ्चालन गर्ने मात्र मतदाता हुने भनिएपनि नगर बाहिर व्यावसाय भएको सार्वजनिक भएपछि विवाद उत्पन्न भएको थियो ।
अध्यक्ष पदका लागि पाँचजनाले उम्मेदवारी दिएका थिए । अध्यक्षका लागि एकजनाबाहेक चारजनाले प्यानलै बनाएर चुनावी प्रतिष्पर्धामा थिए ।
Copyright © 2019 / 2026 - Junkirikhabar.com All rights reserved
