सुनसरीको हरिनगर गाउँपालिकामा पहिलो पटक जन्माष्टमीको अवसरमा राधाकृष्णको रथ यात्राको गरिने भएको छ । भदौ २१ गते हरिनगरका युवाहरूको सक्रिय सहभागितामा पहिलो पटक रथ यात्राको आयोजना हुने लागेको रथ यात्रा समितिका संयोजक मनोज राउतले जानकारी दिए । रथ यात्रालाई हरिनगर गाउँपालिकाले समेत आर्थिक सहयोग गरेको छ । रथ यात्रामा भारतबाट समेत गरी झन्डै ५ हजार उपस्थित हुने अनुमान गरिएको छ ।
रथ यात्रालाई हरिनगर ४ का स्थानिय युवाहरुले व्यवस्थापन गर्ने जनाइएको छ । मन्दिरबाट निस्कने रथलाई हरिनगरको सबै वडामा घुमाइने संयोजक राउतको भनाई छ । रथ निर्माणको काम अन्तिम चरणमा रहेको समेत जानकारी दिदै राउतले रथ यात्राले हरिनगरमा धार्मिक संदभावको सन्देश दिने उनले बताए ।
यता हरिनगर गाउँपालिका अध्यक्ष गफार अन्सारीले रथ यात्राले धार्मिक सदभाव जोड्ने बताएका छन् । रथ यात्राको लागि गाउँपालिकाले आर्थिक सहयोग गरेको समेत उनले बताए ।
Copyright © 2019 / 2026 - Junkirikhabar.com All rights reserved
