जिल्ला प्रहरी कार्यालय सुनसरीका नयाँ एसपी विपिन रेग्मीले जिल्लाको शान्ति सुरक्षा कायम गर्न सबैसँग सहकार्य गर्ने बताएका छन् । सुनसरीका संञ्चारकमीसँग परिचय कार्यक्रममा बोल्दै रेग्मीले सीमाजन्य तस्करी, लागुऔषध नियन्त्रण र चोरी लुटपाटका घटना नियन्त्रणको लागि आफूले विशेष प्राथमिकता राखेर काम गर्ने बताएका छन् ।
सामाजिक सञ्जाल मार्फत धार्मिक सद्भाव बिथोल्ने जो कोहीलाई कडा कारबाही गर्ने समेत उनले बताएका छन् । साथै सामाजिक सञ्जाल नियमन गर्न छुटै आइटी शाखा स्थापना गर्ने योजना रहेको बताएका छन् । प्रहरीको आचरण र व्यवहारमा समेत परिवर्तन ल्याउने एसपी रेग्मीको भनाई छ ।
आउँदै गरेको चाडपर्वको विशेष सुरक्षा योजना ल्याउने समेत उनले बताएका छन् ।
