पुस १०, २०८०
जुनकिरी खबर

काँकडभिट्टा–लौकही सडक खण्डका ११ हजार रुख काटिने

पूर्वपश्चिम राजमार्गको काँकडभिट्टा–लौकही सडक खण्ड स्तरोन्नतिका क्रममा ११ हजार पाँच सय १३ वटा रुख कटान हुने भएको छ । वातावरण प्रभाव मूल्याङ्कन प्रतिवेदनमा आधारमा रुख कटान गर्नुपर्ने भएको काकरभिट्टा–लौकही सडक आयोजना इटहरी कार्यालयका प्रमुख जगत प्रजापतिले जानकारी दिए ।

काँकडभिट्टाबाट लौकहीसम्मको १२० किलोमिटर सडक स्तरोन्नति हुने भनिए पनि हाल ९७ दशमलव सात सय ७० किलोमिटर सडक मात्र ठेक्का लागेको छ । डिभिजन वन कार्यालय मोरङका वन अधिकृत घनश्याम यादवका अनुसार मोरङ खण्डको ३६ किलोमिटर क्षेत्रमा पाँच हजार पाँच सय ५६ वटा रुख पर्छन् ।

मोरङ खण्डका मङ्गलबारे, पथरी, कानेपोखरी, बेलबारी र सलकपुर सवडिभिजन वन कार्यालयले सडक क्षेत्रमा पर्ने रुखको धमाधम छपान गरिरहेको यादवले बताए । पाँच वटै सव डिभिजन वन कार्यालयबाट चार÷पाँच जना जनशक्ति परिचालन गरी रुख छपान गर्ने काम भइरहेको छ । सडक क्षेत्रबाट ३५ मिटर क्षेत्र भित्र पर्ने रुख मात्र काटिने र काटिएका रुखको दश गुणा बढी बिरुवा रोपिने उनले बताए ।

पूर्वपश्चिम राजमार्गको काँकडभिट्टा–लौकही सडक खण्ड स्तरोन्नति तीन वर्षमा निर्माण सम्पन्न गर्ने योजना अघि बढेको छ । एसियाली विकास बैङ्कले स्तरोन्नति गर्न लागेको यो सडक एसियन हाइवे मापदण्डको बन्नेछ । सडकको लागत रु २८ अर्ब १७ करोड रहेको छ ।

सम्बन्धित समाचारहरु

इटहरीका दुई विवादमा ...

प्रतिनिधिसभाको सोमबारको बैठकमा शून्य समयमा बोल्दै सुनसरी क्षेत्र नम्बर–३ का सांसद अशोक चौधरीले ...

इटहरीका निजी विद्याल ...

इटहरी । इटहरी उपमहानगरपालिका क्षेत्रका निजी विद्यालयहरूले नयाँ शैक्षिक सत्र सुरु भएसँगै मनोमानी रूपम ...

सुनसरीका यी पोल्ट्री ...

जिल्लाका विभिन्न स्थानमा बर्ड फ्लु देखिएपछि नियन्त्रणका लागि पहल गरिएको छ । जिल्ला प्रशासन कार्यालयल ...

इटहरीमा स्कुल बसको ठ ...

इटहरीमा बोर्डिङ स्कुलको बसले ठक्कर दिँदा एक पैदलयात्रीको मृत्यु भएको छ । इटहरी उपमहानगरपालिका– ...

काँकडभिट्टा–लौकही सडक खण्डका ११ हजार रुख काटिने

हाम्रो बारेमा

सम्पर्क