सुनसरीमा प्रहरीले ९८ केजी गाँजा बरामद गरेको छ । देवानगञ्ज गाउँपालिका ५ स्थित मकैबारीमा अवैध गाँजा लुकाईछिपाई राखेको भन्ने विशेष सूचनाको आधारमा इलाका प्रहरी कार्यालय साहेबगञ्जबाट खटिएको प्रहरी टोलीले उक्त स्थानबाट ९८ केजी अवैध गाँजा फेला पारी बरामद गरेको हो ।
घटनाबारे थप अनुसन्धान भइरहेको सुनसरी प्रहरीले जनाएको छ । उदयपुरको त्रियुगा नगरपालिका ११ बाट प्रतिबन्धित औषधिसहित एकजनालाई प्रहरीले पक्राउ गरेको छ ।
जिल्ला प्रहरी कार्यालय उदयपुरबाट खटिएको प्रहरी टोलीले ना २६ प ८३७५ नम्बरको स्कुटरको डिकिभित्र लुकाईछिपाई ल्याउँदै गरेको अवस्थामा फेनार्गन, डाईजेपाम र आईपिल गरी जम्मा ४४ एम्पुल औषधि फेला पारेसँगै स्कुटर चालक स्थानीय २३ वर्षीय पासाङ तामाङलाई प्रहरीले नियन्त्रणमा लिएको हो ।
लागूऔषधसहित पक्राउ परेका तामाङको सम्बन्धमा थप अनुसन्धान भइरहेको प्रहरीले जनाएको छ ।
Copyright © 2019 / 2026 - Junkirikhabar.com All rights reserved
