निजी विद्यालयको निर्णयको पक्षमा इटहरी उपमहानगरपालिकाका बहुमत कार्यपालिका सदस्यले एकबद्धता जनाएका छन् । उप-प्रमुख सङ्गीता चौधरी सहित नेकपा एमालेबाट निर्वाचित वडाध्यक्षहरूले शिक्षा शाखाको निर्णयको खुलेरै विरोध गरिरहेका छन् । उप-प्रमुख चौधरीले शिक्षाको हब बनाउन प्रयास गर्नुपर्ने बेला नगर प्रमुखले अराजक काम गरेको बताइन् ।
उद्योग वाणिज्य सङ्घ इटहरी, नागरिक समाज लगायत इटहरीका अग्रज बुद्धिजीवीहरूले समेत पोसाक परिवर्तनको निर्णय कार्यान्वयनमा नल्याउन दबाब दिएका छन् । विद्यार्थी र अभिभावकको हित विपरीत भएको भन्दै इटहरी उवा सङ्घ अध्यक्ष जीवन पराजुलीले लगानीकर्तालाई भड्काउने काम भएको बताए । निजी क्षेत्रका लगानीकर्ता देखी विद्यार्थी र अभिभावकलाई लोड थप्ने कदमको विरोध गर्नुपर्ने उनको भनाइ छ ।
इटहरीका अभिभावक विद्यार्थी र लगानीकर्ताको भविष्य अन्यौलता बढेको नागरिक समाज इटहरीकी अध्यक्ष बालीका भट्टराईले बताइन् । अभिभावकलाई कस्तो पोसाकमा विद्यालय पठाउने भन्ने बारेको अन्यौलताले इटहरीका विद्यार्थी अन्य सहरमा जाने खतरा बढेको उनको गुनासो छ ।
Copyright © 2019 / 2026 - Junkirikhabar.com All rights reserved
