आज असार १५ अर्थात धान दिवसको अवसरमा विभिन्न कार्यक्रम आयोजना गरिरहँदा इटहरी उपमहानगरपालिकामा भने स्थानियले सडकमै धान रोपेका छन् । उपमहानगरपालिकाको वडा नम्बर ४ स्थित रेडक्रस चौकको सडकमा पानी जमेर ठुलो खालड बनेपछि स्थानियले विरोध स्वरुप आज धान रोपेका हुन् ।
सडकका खाडल बर्षाको पानीले ठुलो आहाल बनेपछि स्थानियले विरोध गर्दै नाचगान सहित धान रोपेका हुन् । ठुलो संख्यामा भेला भएका स्थानियले पटक पटक आग्रह गर्दा पनि सडकका खाल्डा पुर्न कुनै पहल नभएको भन्दै विरोधमा धान रोपेको बताएका छन् ।
यो सडक इटहरीको जुटविकास हुँदै पर्यटकिय स्थल तालतलैया जाने मुख्य बाटो हो । सडकको वडा नम्बर ४ मा रहेको भेटघाट चौक देखी उत्तर तर्फ सडक हिलाम्य रहेको छ । सडकको दुवै तर्फ ड्र्ेन निर्माण गर्दा होचो भएको भागमा जमेको पानी निकास नहुँदा आहाल बन्ने गरेको छ ।
Copyright © 2019 / 2026 - Junkirikhabar.com All rights reserved
