इटहरी उपमहानगरपालिकाले अब सहुलियत बस सेवा सुरु गर्ने भएको छ । नगरले खरिद गरेका चार वटा बस मंगलबार इटहरी ल्याइएको छ । इटहरी नगरभरि सहज र सरल रूपमा यातायातको सेवा पुर्याउन विद्युतीय नगर बस सञ्चालनमा ल्याउन लागेको इटहरीका नगर प्रमुख हेमकर्ण पौडेलले बताए ।
असोज १ गतेबाट इटहरीमा नगर बस सन्चालनमा ल्याउने प्रमुख पौडेलले जानकारी दिए । ‘चार वटा बसले इटहरीको ४ वटै क्षेत्रलाई कभर गर्ने हिसाबले रुट तय गर्ने गरी काम भइरहेको छ,’ नगरप्रमुख पौडेलले भने, 'जनतालाई सहुलियतमा यो सेवा दिन लागिएको हो ।'
बसमा जीपीएस जडान गरी सूचनामैत्री बनाइने छ । बसमा सीसी क्यामेरा लगायतका थुप्रै सुविधा छन् ।
नगर बस सञ्चालनका लागि कार्यपालिका बैठकमार्फत वडा नम्बर ६ का वडाध्यक्ष दिवस पोख्रेलको संयोजकत्वमा समिति बनाएर काम भइरहेको प्रमुख पौडेलले बताए । समितिले रुट निर्धारण गरेपछि सोहीअनुसार बस चलाइने छ ।
Copyright © 2019 / 2026 - Junkirikhabar.com All rights reserved
