इटहरीमा पनि कृष्ण जन्माष्टमी भव्य रूपमा मनाउने भएको छ । नेपाल अन्तर्राष्ट्रिय कृष्ण भावना मृत सङ्घ इस्कोनको आयोजनामा भदौ ८ ,९ र १० गते कृष्ण जन्माष्टमी मनाउने भएको हो । इस्कोनको भवनमा बिहिबार पत्रकार सम्मेलन गरी विगत वर्षमा झैँ यस बर्षपनि श्रीकृष्ण जन्माष्टमीको अवसरमा वैदिक ग्रन्थ प्रदर्शनी तथा भाद्र १० गते श्रीकृष्ण जन्माष्टमी महा महोत्सवको आयोजना गरिने जानकारी दिइएको छ ।
१५ हजार भक्तजनको उपस्थितिमा श्रीकृष्ण जन्माष्टमी महोत्सव कार्यक्रममा कृष्ण कथा, कीर्तन, आरती, दीप अर्पन, भगवान् स्नान कार्यक्रम गरिने बताइएको छ ।साथै इटहरीका विभिन्न कलेज तथा विद्यालयका लगभग ३ हजार विद्यार्थी, शिक्षक तथा अभिभावकहरूको उपस्थितिमा ग्रन्थ तथा चित्रकला प्रदर्शनी समेत हुने इस्कोन इटहरीका अध्यक्ष ललित माधव दासले जानकारी दिनुभयो ।
कार्यक्रम अवधि भर हरिनाम सङ्कीर्तन , प्रवचन नाट्य प्रस्तुति र प्रसाद ग्रहण समेत हुनेछ । विगत ६ वर्षदेखि इस्कोन इटहरी प्रचार केन्द्रले वैदिक सनातन धर्मको प्रमुख ग्रन्थ श्रीमद्भागवत र श्रीमद्भागवतमाको प्रचार–प्रसार ग्रन्थको वितरण तथा भगवद्गीताको व्यवस्थित रूपमा शिक्षा प्रदान गदै आएको छ ।
Copyright © 2019 / 2026 - Junkirikhabar.com All rights reserved
