सत्तारुढ दल नेपाल कम्युनिस्ट पार्टी(नेकपा)का अध्यक्ष केपी शर्मा ओली उपचारका क्रममा सिंगापुर रहेका बेला अर्का अध्यक्ष पुष्पकमल दाहालले आफ्नो सक्रियता बढाएका छन्। पछिल्लो कार्य विभाजनलाई लिएर पार्टीभित्र असन्तुष्टि बढिरहेका बेला नेताहरूसँगको भेटघाटलाई तीव्र बनाएका दाहालले सोमबार सचिवालय बैठक राखेका छन्।
पार्टी एकतापछि पहिलोपटक सचिवालय बैठक बोलाएका दाहालले बैठकमार्फत नेताहरूको विषयमा व्यक्तिगत टिप्पणी गर्न नेता तथा कार्यकर्तालाई प्रतिबन्ध लगाउने निर्णय लिएका हुन्। प्रधानमन्त्रीसमेत रहेका पार्टी अध्यक्ष ओली र नेता माधवकुमार नेपाल स्वयं भदौ ५ गते व्यक्तिगत आरोप प्रत्यारोपमा उत्रिएपछि तल्लो तहका नेता तथा कार्यकर्ता एकअर्काप्रति आरोपित गर्न सक्रिय भएपछि त्यसको न्यूनीकरणका लागि यस्तो निर्णय गराएका हुन्।
Copyright © 2019 / 2026 - Junkirikhabar.com All rights reserved
