सुनसरीको दुहबी नगरपालिकाको फुटानी चौकमा पिकअप दुर्घटना हुँदा प्रहरी सहायक निरीक्षक विरोध खतिवडाको मृत्यु भएको छ । शनिबार दुहबी नगरपालिका- ३ स्थित फुटानी चौकमा दुर्घटना हुँदा उदयपुरको त्रियुगा नगरपालिका- ८ का प्रहरी सहायक निरीक्षक खतिवडाको मृत्यु भएको हो ।
कोशी प्रहरी कार्यालयका प्रवक्ता भीमबहादुर दाहालले उनको दुर्घटनामा ज्यान गएको पुष्टि गरे । उक्त भ्यानमा सवार अन्य दुई जना घाइते भएको उनले जानकारी दिए । उनका अनुसार इटहरीबाट विराटनगरतर्फ जाँदै गरेको प्र २-०१-००१ च ०२५१ नम्बरको पिकअप अनियन्त्रित भई सडकको किनारमा रहेको रेलिङमा ठोक्किएर दुर्घटना भएको थियो ।
उक्त दुर्घटनामा गम्भीर घाइते भएका खतिवडालाई उद्धार गरी स्थानीय अस्पतालमा लगिएको थियो । अस्पताल पु¥याएको केही बेरमै डाक्टरले उनलाई मृत घोषणा गरेका थिए ।खतिवडा जिल्ला प्रहरी कार्यालय उदयपुरमा कार्यरत थिए ।
Copyright © 2019 / 2026 - Junkirikhabar.com All rights reserved
