सीमावर्ती बिहार राज्यमा हुन लागेको दोस्रो चरणको विधान सभा निर्वाचनलाई मध्यनजर गर्दै नेपाल–भारत सीमानाकामा आवागमन बन्द गरिने भएको छ ।शनिबार बेलुकादेखि तीन दिनसम्म नाका बन्द हुनेछ ।
कार्तिक २५ गते हुन लागेको बिहार विधानसभाको दोस्रो चरणको निर्वाचनलाई मध्यनजर गर्दै शनिबार साँझ ६ बजेदेखि मंगलबार साँझ ६ बजेसम्म सीमानाकामा आवागमन बन्द रहने भएको हो ।
शान्ति सुरक्षा व्यवस्थापनका लागि कार्तिक २२ गते साँझ ६ बजेदेखि २५ गते साँझ ६ बजेसम्म आकस्मिकबाहेक पूर्णतः आवतजावत बन्द रहने सुनसरीका सहायक प्रमुख जिल्ला अधिकारी लोकमान श्रेष्ठले जानकारी दिए ।
सुरक्षालाई ध्यान दिँदै भारतीय पक्षबाट सीमानाका बन्द गरिदिन आग्रह भएपछि आगामी ७२ घण्टाका लागि अत्यावश्यक बाहेकका सबै किसिमका आवतजावत बन्द गरिएको श्रेष्ठले जानकारी दिए । दोस्रो चरणको निर्वाचनमा सीमावर्ती जिल्ला लगायत १ सय २१ विधान सभा सिटका लागि १ हजार ३ सय २ जना उमेदवारबीच प्रतिस्पर्धा हुन लागेको भारतीय सञ्चार माध्यमले जनाएका छन् ।
Copyright © 2019 / 2026 - Junkirikhabar.com All rights reserved
