नेपाली कांग्रेसका सांसद मोहम्मद अफताव आलम पुर्पक्षका लागि जेल चलान भएका छन् । पहिलो संविधानसभाको निर्वाचनकाक्रममा बम विस्फोटमा परी घाइते भएकाहरुलाई इँटाभट्टामा जिउँदै जलाएर मारेको अभियोग लागेका आलमलाई रौतहट जिल्ला अदालतले शुक्रबार पुर्पक्षका लागि थुनामा पठाउने आदेश दिएको हो ।
न्यायाधीश दीपक ढकालको एकल इजलासमा ८ दिन चलेको थुनछेक बहसपछि शुक्रबार अदालते आलमलाई पुर्पक्षका लागि थुनामा पठाउन आदेश दिएलगत्तै उनलाई रौतहट जिल्ला कारागार चलान गरिएको हो ।
आलममाथि कर्तव्य ज्यान, ज्यानमार्ने उद्योग र विस्फोटन गरी तीनओटा मुद्दा लागेको छ । जिल्ला अदालतमा ८ दिनसम्म चलेको बहसमा दुवै पक्षका कानुन व्यवसायीहरुले बहस गरेका थिए ।
थुनछेक बहसको अन्तिम दिन शुक्रत्रबार मृतक त्रिलुकप्रताप सिंहका बुवा श्रीनारायण प्रसाद सिंहलाई अन्तिम भनाइ राख्न समय दिइएको थियो । आरोपी आलमलाई पनि आफ्नो भनाइ राख्न समय दिइएको थियो ।
Copyright © 2019 / 2026 - Junkirikhabar.com All rights reserved
