तीनवटै तहमा मंसिर १४ गते हुने उपनिर्वाचनका लागि निर्वाचन आयोगले मतपत्र तयार पारेको छ । रिक्त रहेका प्रतिनिधिसभा सदस्य–१, प्रदेशसभा सदस्य– ३, नगरपालिका प्रमुख– १, गाउँपालिका अध्यक्ष– ३, गाउँपालिका उपाध्यक्ष १ तथा नगर र गाउँपालिकाका ४३ वडाध्यक्ष पदका लागि उपनिर्वाचन हुँदै छ ।
तीनवटै तहका रिक्त ५२ स्थानका लागि त्यति नै प्रकारका सबै मतपत्र छापिएको निर्वाचन आयुक्त नरेन्द्र दाहालले जानकारी दिए । जनक शिक्षा सामग्री केन्द्र लिमिटेडको प्रेसमा मतपत्र छापिएको हो । उपनिर्वाचनले ३७ जिल्लालाई छोएको छ । ती जिल्लाका मुख्य निर्वाचन अधिकृतको कार्यालयमा मतपत्र पुर्याइनेछ । ‘मतपत्र, मतदाता परिचपत्र र निर्वाचन सामग्री सम्बन्धित क्षेत्रमा पठाउने काम बुधबारबाट सुरु हुन्छ,’ आयुक्त दाहालले भने ।
Copyright © 2019 / 2026 - Junkirikhabar.com All rights reserved
