विभिन्न ४ सुत्रीय माग राख्दै नेपाल कम्युनिष्ट पार्टी (नेकपा) तथा लिम्बुवान निकट विद्यार्थीहरुले झापाको सुरुङ्गास्थित कनकाई बहुमुखी क्याम्पसमा तालाबन्दी गरेका छन् ।
विद्यार्थीहरुले शुक्रबार बिहान ६ बजेर ४५ मिनेटमा क्याम्पसको प्रशासनिक भवनको मूल गेटमा ताला लगाएका हुन् । नेकपा निकट अनेरास्ववियू, अखिल क्रान्तिकारी र लिम्बुवान विद्यार्थी मञ्चका विद्यार्थीले दोस्रोपटक तालाबन्दी गरेको क्याम्पस प्रमुख विकासप्रसाद उप्रेतीले जानकारी दिए । यसअघि कार्तिक १९ गते पनि विद्यार्थीहरुले क्याम्पस प्रमुखको कार्यकक्षमा तालाबन्दी गरेका थिए । उक्त ताला कार्तिक २३ गते प्रहरीले फुटाएको थियो ।
Copyright © 2019 / 2026 - Junkirikhabar.com All rights reserved
