उद्यमी महिलाहरुको उत्पादनलाई प्रोत्साहन र बजारिकरणमा सहयोग पुर्याउने उद्धेश्यले सुनसरीको इटहरीमा राष्ट्रिय उद्यमशिल महिला मेला सुरु भएको छ ।
नेपाल उद्यमशिल महिला महासंघको आयोजनामा सुरु भएको मेलाको उद्योग वाणिज्य तथा आपूर्ति राज्य मन्त्री मोतीलाल दुगडले उद्घाटन गरे । दुई हप्तासम्म सञ्चालन हुने मेलामा महिलाहरुले उत्पादन गरेका हस्तकलाका सामाग्री, अचार लगायतका परिकारका साथै कला ,श्रृंगार ,कपडा लगायतका सामाग्रीहरुका स्टलहरु राखिएका छन ।
उद्यमशिल महिलाहरुका उत्पादनलाई प्रोत्साहन गर्दै बजारिकणमा सहयोग पुगोस भनेर मेलाको आयोजनान गरिएको आयोजक संस्थाकी अध्यक्ष देविका बुढाथोकीले जानकारी दिइन ।
कार्यक्रमका अतिथीहरुले मेलाले स्थानीय उत्पादनहरुको प्रचार प्रसार हुने तथा बजारिकणमा सहयोग पुग्ने विश्वास व्यक्त गरे । कार्यक्रममा प्रदेस नम्बर १का प्रदेस सभा सदस्य सर्वध्वज सावाँ राष्टिय सहकारी बैककी सदस्य अमृता सुब्बा , उद्योग वाणिज्य संघ इटहरीका महासचिव पिताम्बर पोखरेल लगायतले बोलेका थिए । मेला आगामी पुस ६ गते सम्म सञ्चालन हुने जनाइएको छ ।
मेलामा प्रवेश निशुल्क रहेको बताउँदै आयोजकले साँझको मनोरञ्जनात्मक कार्यक्रममा मात्र टिकट सिस्टम गरिने जानकारी दिएको छ। कार्यक्रममा कलाकारहरु प्रमोद खरेल, धुर्मुस सुन्तलीलगायत आउने छन्।
Copyright © 2019 / 2026 - Junkirikhabar.com All rights reserved
