लकडाउनको अवधिमा सुनसरीको इटहरी उपमहानगरपालिकाले दुई जना जनप्रतिनिधि गुमाएको छ ।
पछिल्लो १४ दिनको अन्तरले उपमहानगरले दुई जना जनप्रतिनिधि गुमाएको हो । बिहीबार वडा नम्वर १ का वडाध्यक्ष विष्णु चौधरीको ५५ वर्षको उमेरमा निधन भएको छ । उनी लामो सयमदेखि उपचाररत थिए ।
स्वास्थ्यमा थप जटिलता देखिएपछि नोवेल मेडिकल कलेज विराटनगर पुर्याउँदा चिकित्सकले उनलाई मृत घोषित गरेका थिए ।
यसअघि वडा नम्वर १० कि दलित महिला सदस्य दुलारी ऋषिदेवको गत २१ चैतमा निधन भएको थियो ।
इटहरी उपमहानगर नगर कार्यपालिकाको आकस्मिक बैठकले जनप्रतिनिधिको असामयिक निधनले उपमहानगर मर्माहत र स्तब्ध भएको जनाउँदै शोक प्रस्ताव पारित गरेको छ ।
दुई जनप्रतिनिधिको निधनले उपमहानगरलाई अपूरणीय क्षति भएको उपमहानगरले जारी गरेको शोक वक्तब्यमा उल्लेख गरिएको छ ।
निधकको शोकमा उपमहानगरमा राष्ट्रिय झण्डा आधा झुकाउने र बिहीबार एक दिन उपमहानगर र वडा कार्यालयहरूमा शोक बिदा दिएको छ ।
Copyright © 2019 / 2026 - Junkirikhabar.com All rights reserved
