सुनसरीमा बुधबारदेखि लकडाउन खुकुलो बनाइने भएको छ । उपभोक्ताहरुको सुविधालाई मध्यनजर गर्दै विहान ७ बजे देखि १० बजेसम्मको समयमा अत्यावश्यक आवश्यकताका सामान बिक्रि गर्ने पसल खोल्न दिइने भएको हो ।
साँझ बजारमा देखिने भीडलाई व्यवस्थित गर्न समय निर्धारण गरी पसल खोल्न लागेको हो । बिहान तोकिएका पसल खुल्न दिने र साँझ भने ठप्प पार्ने योजना रहेको सुनसरीका प्रमुख जिल्ला अधिकारी राजेश पौडेलले जानकारी दिए ।
तर सामान किन्दा र बेच्दा सरकारले तोकेको मापदण्डअनुसार निश्चित दुरीमा रहेर र मास्क लगाएर खरीद बिक्रि गर्नुपर्नेछ ।
उनका अनुसार स्थानीय निकाय र उद्योग वाणिज्य संघको समन्वयमा पसल खुल्नेछन् । कुन पसल खुल्ने भन्ने निर्णय उद्योग वाणिज्य संघले गर्नेछ । बिहान पसल खुलेपनि अन्य प्रतिबन्धहरु कायमै छन् ।
Copyright © 2019 / 2026 - Junkirikhabar.com All rights reserved
