नेपाल विद्यार्थी संघले सरकारले ल्याएको अध्यादेशका बिरुद्ध देशका ७७ वटै जिल्लाका प्रमुख स्थानहरुमा सांकेतिक बिरोध प्रदर्शन गरेको छ ।
मुलुकको ध्यान कोरोना भाइरसबाट जनतालाई बचाउनु पर्ने बेला राजनितिक अस्थिरतामा लागेको उनको आरोप थियो ।
दल फुटाउन राजनीतिक दल सम्बन्धि अध्यादेश र संवैधानिक मुल्यमान्यता माथी नै प्रहार गर्दै संवैधानिक परिषद सम्बन्धि ऐन संसोधन गर्न संसद छलेर निरंकुशता लाद्न अध्यादेश ल्याएको बताएको छ ।
नेविसंघले बाध्य भएर लकडाउनमा समेत देशभरका प्रमुख स्थानहरुमा ५ जनामात्र भेला भइ कम्तीमा १ फिटको दुरी कायम गर्दै प्लेकार्ड र कालो झण्डा देखाउदै सांकेतिक बिरोध प्रदर्शन गरेको हो ।
आफ्नो गृहनगर इटहरीमा सांकेतिक बिरोध प्रदर्शनको नेतृत्व केन्द्रीय अध्यक्ष राजिव ढुंगानाले गरेका थिए । सर्वोच्चता र व्यवस्थाको रक्षाका लागि आफुहरु बिरोध प्रदर्शनमा उत्रन बाध्य भएको अध्यक्ष ढुंगानाले जानकारी दिए ।
Copyright © 2019 / 2026 - Junkirikhabar.com All rights reserved
