इटहरीका सहकारीहरुले अत्यावश्यक सेवा दिने गरी सहकारी कार्यालय खोल्न पहल गर्ने निर्णय गरेका छन् ।
संस्थाहरुले सदस्यको समस्यालाई ध्यानमा राख्दै अत्यावश्यक काम गर्ने गरी सहकारी खोल्ने आन्तरिक निर्णय गरेका हुन् । यो विषयमा प्रशासनसँगसमेत आवश्यक छलफल गरेर अघि बढ्ने इटहरी नगर सहकारी समन्वय समितिका संयोजक भोला बस्नेतले जानकारी दिए ।
‘११ बजेदेखि २ बजेसम्म खोल्ने निर्णय भएको छ,’ उनले भने, ‘प्रशासनसँग यो विषयमा समन्वय गर्ने र सहकारीको केन्द्रिय समितिलाई पनि जानकारी गराइ आवश्यक पहल गर्ने निर्णय भएको छ ।’
जिल्ला सहकारी संघ सुनसरीका सचिव गंगा दाहालको सभापतीत्वमा भएको अनलाइन बैठकले निक्षेप संकलन र भुक्तानीका लागि भएपनि सहकारी खोल्नुपर्नेमा जोड दिएको थियो । राष्ट्रिय सहकारी महासंघकी सञ्चालक सदस्य अमृता सुब्बा र सोम श्रेष्ठको विशेष आतिथ्यमा सम्पन्न बैठकले सहकारीको लागि लघु कर्जासमेत माग गर्ने निर्णय गरेको छ ।
बैठकमा सहभागि २५ वटा सहकारीका प्रतिनिधिहरुले आफूलाई परेको समस्याबारे जानकारी गराएका थिए । कार्यक्रममा बोल्दै सुब्बा र श्रेष्ठले केन्द्रिय तहसम्म सहकारीका गुनासाहरु पुर्यायने र सेवा सुचारु गराउन पहल गर्ने बताएका थिए ।
Copyright © 2019 / 2026 - Junkirikhabar.com All rights reserved
