रोटरी कल्ब अफ इटहरी स्थापना भएको २५ औ वर्ष तथा प्रजातन्त्र दिवसको अवसरमा इटहरीमा नेपाल पत्रकार महासंघ सुनसरी र रोटरी कल्ब अफ इटहरी बिच मैत्रीपूर्ण फुटसल आयोजना गरिएको छ ।
इटहरी १० स्थित एसडी फुटसलमा आयोजना गरिएको प्रतियोगितामा पत्रकार महासंघ सुनसरी विजयी भएको छ । पत्रकार महासङ्घले आयोजक रोटरी कल्बलाई ७ का विरुद्ध ४ गोल गरेको थियो । महासङ्घका तर्फबाट विवेक भटराई, राजकुमार श्रेष्ठ, धुर्व ढकाल लगायतले गोल गरेका थिए । त्यस्तै रोटरी कल्व अफ इटहरीबाट पुप्प नारायण चौधरी, ज्ञानेन्द्र पराजुली, भुपेन्द्र निरौला र रोनाल निरौलाले गोल गर्न सफल भएका थिए ।
कार्यक्रम रोटरी कल्ब अफ इटहरीकी अध्यक्ष सविना सोभा कोइरालाको अध्यक्षतामा आयोजना गरिएको थियो । कार्यक्रममा रोटरी कल्ब अफ इटहरीका पूर्व अध्यक्षहरु अनन्त बिष्ट, लक्ष्मी धिताल, लक्ष्मण हुमागाईँ र (एजी) अनिता अधिकारी समेतको उपस्थिति रहेको थियो । प्रतियोगिताको निर्णायक मुराली अधिकारीले गरेका थिए । रोटरी कल्ब अफ इटहरीको २५ औ स्थापना दिवसको अवसरमा अर्को हप्ताबाट सप्ताहव्यापी कार्यक्रम आयोजना गर्ने तयारी समेत गरेको छ ।
Copyright © 2019 / 2026 - Junkirikhabar.com All rights reserved
