इटहरीमा जारी १२ औँ संस्करणको अन्तराष्ट्रिय आमन्त्रण इटहरी गोल्डकपको फाइनल खेल शनिबार हुने भएको छ । इटहरीको रगंशालामा शनिवार विभागीय टिम त्रिभुवन आर्मी फुटवल क्लब काठमाडौँ र सगरमाथा युथ क्लब मोरङ फाइनलमा प्रतिस्पर्धा गर्ने छन् । बुधवार भएको सेमि फाइनल खेलमा त्रिभुवन क्लबले रोलिङ क्लब झापालाई २–१ गोल अन्तरले पछि पार्दै फाइनलमा प्रवेश गरेको थियो ।
त्यस्तै सगरमाथा युथ क्लबले हिजो विहिवार भएको खेलमा ए डिभिजनको मनाङ–मस्र्याङ्दी क्लबलाई ४–२ गोल अन्तरले पराजित गरेर फाइनलका लागि स्थान सुरक्षित गरेको थियो । यि दुई टिम विचको खेल दिउसो ३ ः ३० बजे सुरु हुने छ । दुबै टिम जित निकाल्ने दाउमा छन् ।
फाइनलमा पुगेता पनि आर्मि जस्तो बलियो टिम सगं प्रतिस्पर्धा गर्न निकै चुनौती रहेको तर आफु पनि तयारी अवस्थामा रहेको सगरमाथा युथ क्लबका प्रशिक्षक युवेन गुरुङ्ले बताउनुभयो । यता त्रिभुवनका टिम क्याप्टेट भरत खवासले नेपालमा भइरहेको टुर्नामेन्टहरुमा धेरै जसो ठाउँमा फाइनल खेलिरहेको र यहा पनि पहिलाको डिफेण्डिङ च्याम्पियन भएकाले यसलाई संंरक्षण गर्नुपर्ने भएकाले केहि दबाब भएको बताउनुभयो ।
खेलको विजेताले नगद सात लाख र उपविजेताले नगद तीन लाख ५० हजार हात पार्ने पत्रकार सम्मेलन गरी जानकारी गराइएको छ । त्यसैगरी विधा तर्फ बेस्ट गोल किपर, बेस्ट डिफेन्स, बेस्ट रेफ्रि, बेस्ट मिड फिल्डलाई जनही १५ हजारका दरले पुरस्कार प्रदान गरिने जनाइएको छ । सर्वोत्कृष्ट खेलाडिलाई भने यमाहाको फ्यासिनो स्कुटर प्रदान गरिने र इटहरीका उदयमान खेलाडिलाई ४० इन्चको एल इ डि टि.भी प्रदान गरिने छ ।
Copyright © 2019 / 2026 - Junkirikhabar.com All rights reserved
