कोशी प्रदेश सरकारका आन्तरिक मामिला तथा कानुन मन्त्री लिलाबल्लभ अधिकारीले राजीनामा दिएका छन । बिना अनुमति र बिना जानकारी जापान गएको विषयमा विवादमा तानिएपछि मन्त्री अधिकारीले मुख्यमन्त्री हिक्मत कार्कीलाई राजिनामा पत्र बुझाएका हुन ।
मन्त्रीहरूले विदेश भ्रमणमा जाँदा प्रधानमन्त्री तथा मन्त्रिपरिषद्को कार्यालयमार्फत परराष्ट्र मन्त्रालयको सहमति लिनुपर्ने र विदेश भ्रमणको सहमतिका लागि परराष्ट्र मन्त्रालयमा लेखि पठाउँदा प्रदेश मन्त्रिपरिषद्को निर्णय सहित पठाउनुपर्ने व्यवस्था छ । तर मन्त्री अधिकारी मन्त्रीपरिषद्को निर्णय विपरीत जापान पुगेका थिए ।
तिहार बिदाका करण औपचारिक जानकारी गराउन नसकेको मन्त्री लिलाबल्लभअधिकारीले पत्रकार सम्मेलनमा बताएका छन् । उनले भने ‘मेरा बारेमा टिका टिप्पणी भएकाले नैतिकताको आधारामा राजिनामा दिएको हुँ । नैतिकताको खडेरी लागेको बेलामा आफुले राजिनामा दिएको हुँ ।’ उनी जापानमा हुने एक कार्यक्रममा सहभागी हुन भन्दै गत कार्तिक १३ गते त्यसतर्फ प्रस्थान गरेका थिए । उनी टोकियो महानगरले आयोजनामा भएको कार्यक्रममा जापान गएको श्रोतले जनाएको छ ।
Copyright © 2019 / 2026 - Junkirikhabar.com All rights reserved
