सुनसरीको विभिन्न स्थानहरूबाट लागूऔषधसहित १३ जनालाई प्रहरीले पक्राउ गरेको छ । सुनसरीको कोशी गाँउपालिका १ स्थितबाट लागूऔषध नियन्त्रण ब्यूरो विराटनगर र इलाका प्रहरी कार्यालय लौकही सुनसरीबाट खटिएको प्रहरी टोलीले चेकजाँचको क्रममा पक्राउ गरेको हो ।
पक्राउ पर्नेमा सुनसरीको रामधुनी ५ का २० वर्षीय करण चौधरी, इटहरी ४ का ४० वर्षीय पर्वत यादव, १९ वर्षीय रोमन चापाँगाई, १९ वर्षीय मिलन तामाङ, मोरङ सुन्दरहरैँचा नगरपालिका ५ का ४२ वर्षीय प्रेमकुमार राई, ३१ वर्षीय दिपेश तामाङ, सुन्दरहरैचा ६ का २५ वर्षीय अनिल खवास, २६ वर्षीय अजित श्रेष्ठ, सुनसरी धरान ८ का २९ वर्षीय सरोज विश्कर्मा, सोही स्थानका ३४ वर्षीय किशोरको मादेन, सुनसरी धरान उपमहानगरपालिका १० का २७ वर्षीय निरन श्रेष्ठ रहेका छन् ।
त्यसैगरी धरान ११ बाट अस्थायी प्रहरी चौकी रेल्वेबाट खटिएको प्रहरी टोलीले चेकजाँचको क्रममा सोही स्थानका ३१ वर्षीय रोशन राई र ३७ वर्षीय मिमाहाङ लिम्बुलाई ब्राउनसुगर ५३० मिलिग्राम र प्रतिबन्धित औषधी ट्रामोल ४० क्याप्सुल, कोलिवन ३० ट्याब्लेटसहित पक्राउ गरेको छ । लागूऔषधसहित पक्राउ परेका उनीहरूको सम्बन्धमा थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।
Copyright © 2019 / 2026 - Junkirikhabar.com All rights reserved
