सप्तकोशी नदीमा पानीको बहाव निरन्तर बढ्दै गएको छ । शनिवार साँझबाट बढ्न थालेको पानीको बहावले खतराको तह भन्दा धेरै माथि पुगेको सुनसरी प्रहरीले जनाएको छ । कोशी बराजमा मापन गरिए अनुसार सप्तकोशीमा अहिले साँझ ४ बजेसम्म ५ लाख ३३ हजार ५४० क्युसेक पानी प्रति सेकेन्ड बगिरहेको छ । पहाडी जिल्लाहरूमा निरन्तर पानी परिरहेकाले पानीको बहाव अझै बढ्न सक्ने अनुमान गरिएको छ पानीको बहाव बढेसँगै कोशी बराजका सबै ५६ वटा ढोका खोलिएको छ ।
गत वर्ष पनि असोजमा सप्तकोशीमा पानीको बहाव अत्यधिक पुगेको थियो । गत वर्ष सप्तकोशीमा गत वर्ष पानीको बहाव ५ लाख ५७ हजार क्युसेक पुगेको थियो ।
